as I scan this wasted land

ein Pfeil hilft gegen so gut wie alles

Die Stimme des Volkes: Ifirnia Rabengefieder

Hob i eich scho dazöht, wie ma den Oga goar gmocht ham? Da hot a zum erstn Moi zagt, dass a wos ko, da Magia. Oba i sog‘s ja oiwei: alle Magia san Gfrasta. Kaum hamma den Oga daschossn, schleicht a si und is nimma zum find‘n. Sauhund, der elendigliche! Gib ma liaba a Biar, bevuar i mi aufreg!

G‘regnt hot‘s, da Ogakadava hot gfoit wia de Niedahön und gjommat ham‘s a alle. Da konnst nua mehr zu Firun beten fia a g‘scheite Hön und manchmoi wern de gonz frommen Gebete a ahört, so wie damois gschehn. Nochher schaut gleich ois bessa aus.

Am nächsten Tog jagma oiso de Orks wieda hinteher und i hob echt des Gfüh, doss ma näha kumman. Reste von Logafeier und anderm san frischer und zum  Schluss richtig woarm. Dawoi kumma oba em Gebirgsposs imma näha. Mit da Zeit vaschwind’n de Beim und des Wüd wird a knappa. G’schissn nennt ma des am Weg zum Orkland ohne Vorrät dozustengan mit am Haufen Stodtznirchtaln, de wos olle wos fressen woin, oba nix jogn kennan.

Mit denare bringst ja a nix weida. Nach zwanz‘g Schritt fangen’s scho an zum Sudern, doss eana ois weh tuat, dass schlofn woin und weiß Firun wos no ois. So konnst afoch kane Vafoigungsjogd gwinna. Zum Glück ham de Orks a so a Sudarantin dabei und wern aufghoitn. Drum hammas kurz vurm Poss totsöchlich gschofft, dass mas eihoin. Natürli sengan se uns vo ob‘n und de ane Höftn fongt o zum rennan, während de ondere si mit uns  beschäftigen wü. Wanns ane in de Goschn woin, kennns des hobn, de Orks! Prost auf unsan Kompf!

Oiso woin mia uns a mit eana olegn. Mi schickns an Hong auffe, dass i an Bergrutsch auslösn soi, dea wos de Orks trifft. Bled is nuar, doss de ondern a da stehn werdn, wo de Stana obegengan. Miassn hoit ofpossn, wois ja wissn, wos passiert. De Stana ins Roin bringn iis ois ondare ois afoch, obe mit Speer und Gwoit geht ois. Nuar de Orks de Hundling hoitn de Stana locka aus, oba unsare Leit, de Wappla wern beinah daschlogn. So vü zu Strategie. Ois a Schmorrn de Strategie, des einzig Woahre is a Pfeu ins Herz. Des hüft imma. Da is si a de Rositant sicha, ned amoi so a Schworzmagia überlebt des. Und de Rositant hot a Menge Afohrung mit Schworzmagia, diese Gfrasta!

Oiso, i steig deshoib auf mei bewährte Strategie um und schiaß de Orks niada. An Bog’nschütz‘n homs zwoar a, obe dea Wappla schiasst leicht drei oda viar Moi auf mi, oba trifft koa anzigs. So a stinkenda, depparta Ork braucht ma goar ned bled kumman, des vatrog i ned. Daschossn hob i eam und de ondan a ogschlogn, de Hungleida. Am End hamma de Possstroß‘n fia uns.

Bis zua Spitzn quö ma uns, donn aufe und obn warat ma am liabsten wieda umdraht. A schmola Pfod fiahrt zu am Plateau und durtn treff ma so an Orkzaubera. De san olle Gfrasta! Hetzt dea Hundling a riesigs Luftklump auf uns, des wos echt zach is. Wia tuast du Luft weh? Schiassn bringt nix, schlogn bringt wenig. Am End loss ma unsare rohe Gewoit Hjalvar gegn de Luftgewoit otreten und da Grof und i jog‘n dem Orkschamonen hintaher. Hob i scho gsogt, dass de olle Gfasta san? Wias eng wird, hoita da blond‘n Spinnarin den Doich an de Köhn und droht doss ears umbringt und hetzt sein‘n Kriega auf uns. Mit Magie, wie sonst, haut dann o und da Grof losst den Ork laufn, wü sogoar, dass i den Bog‘n wegleg. Da Ork is ma wurscht, wann a wegrennt und mia nix tuat. Oiso loss man laufn und reden mit de Narrisch‘n. De dazöht uns, doss irgendwöche Ork-Kultorte im Traum gsehn hot. I möcht ned wissn, was de vuarher zu si gnuamma hot. Deppart wie ma san, werma natürlich hirennan, des waß i jetz scho.

Advertisements

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s